Həyat bəzən müəllim kimi səssiz, amma israrla bizə dərs verir. İnsan yaşadıqca, qarşılaşdığı çətinliklər, itkilər və sevinclər ona nəyin həqiqi olduğunu göstərir. Amma bu dərsləri başa düşmək vaxt alır. Gənclikdə edilən səhvlər, qiymət verilməyən anlar illər sonra bizə danışır – "Əgər fərqində olsaydın..."

Anladığımız zaman isə çox şey dəyişmiş olur. Bəzən insanlar uzaqlaşır, bəzən fürsətlər itir, bəzən də biz öz köhnə "mən"imizə geri dönə bilmirik. Həyatın ironiyası budur: biz doğruya çatanda, artıq onu yaşamaq üçün geri dönəcək yol olmur.

Zaman səssizcə keçir, amma izlər buraxır. Bu izlər bizi biz edən həyat təcrübəsidir. Biz səhvlərdən öyrənirik, amma bəzən bu öyrənmək çox bahalı olur. Ona görə də öyrəndiklərimizi gələcəyə daşımaq, başqalarına paylaşmaq, və bu andan etibarən daha diqqətli olmaq ən doğru yoldur.

Səbuhi Həsənov