Türkiyə Silahlı Qüvvələri İraq və Suriyanın şimal hissəsində keçirdikləri antiterror əməliyyatı nəticəsində 45 terrorçunu zərərsizləşdirib.

Bu barədə Türkiyə Milli Müdafiə Nazirliyinin mətbuat və ictimaiyyətlə əlaqələr üzrə müşaviri Zəki Aktürk bildirib.

Müşavirin sözlərinə görə, 2024-cü il yanvarın 1-dən indiyədək iki min 194 terrorçu öldürülüb.

Aktürk bildirib ki, “Pence-kilid” əməliyyatı böyük əzmlə davam edir: “İndiyədək ümumilikdə 3 min 94 mina və PUA məhv edilib, 1256 mağara və sığınacaq yararsız vəziyyətə salınıb, 937-si ağır silah olmaqla, 2 min 333 müxtəlif silah və bu silahların 881 min 445 sursatı ələ keçirilib”.

Müşavir həmçinin qeyd edib ki, 82 min 307 nəfərin Türkiyəyə qanunsuz keçidinin qarşısı alınıb.