Noyabrın 9-u Azərbaycanda Dövlət bayrağı günü kimi qeyd olunur. Kimsəyə sirr deyil ki, Azərbaycanın haqq işi uğrunda gedən mübarizələrdə nə qədər oğul - qızlarımız şəhid olub.

2020-ci il sentyabrın 27-də başlanan və 44 gün davam edən savaş zamanı Ermənistan Silahlı Qüvvələri və onların havadarları tərəfindən işğal edilən ərazilərin böyük bir hissəsi azad olundu. 2023-cü il sentyabrın 19 - 20-də həyata keçirilən lokal xarakterli antiterror əməliyyatları nəticəsində isə Ölkəmizin ərazi bütövlüyü təmin olundu. Hazırda ay - ulduzlu, səkkiz guşəli bayrağımız işğaldan azad olunan ərazilərdə, həmçinin, dünyanın bir çox ölkələrində fəaliyyət göstərən diplomatik korpuslarımızda, diaspor təşkilatlarında dalğalanır.

Azərbaycan Respublikası "Xocalı Soyqırımını Tanıtma" ictimai birliyi olaraq qədirbilən xalqımızı və şanlı Ordumuzun şəxsi heyətini 9 noyabr - Dövlət bayrağı günü ilə əlaqədar təbrik edirəm.

Allah - Təala Prezident İlham Əliyevi və onun ailə üzvlərini, həmçinin, Azərbaycan xalqını qorusun. Allah - Təala Azərbaycan xalqını içdən sevən və rəğbət bəsləyənləri, həmçinin, Türk dünyasını qorusun. Amin.

Hörmətlə,
Şamil Sabiroğlu,
"Xocalı Soyqırımını Tanıtma" ictimai birliyinin sədri, jurnalist.
Bakı, 09.XI.2026.