“Ukrayna Prezidenti Volodimir Zelenski və ABŞ Dövlət katibi Entoni Blinken keçirdikləri görüş zamanı Rusiya ərazisinin dərinliklərinə zərbələr üçün ABŞ-nin uzaqmənzilli raketlərindən istifadə barədə hansısa qərar qəbul etməyib”.

Bu barədə məlumatı Ukrayna prezidentinin adı açıqlanmayan müşavirinə istinadən “ABC News” telekanalı yayıb. 

Bununla belə, qeyd olunub ki, Zelenski Blinkenə Ukraynanın Rusiya ərazisində raket zərbələri endirmək istəyəcəyi hədəflərin siyahısını təqdim edib. 

Xatırladaq ki, sentyabrın 11-də Kiyevdə “Krım platforması” sammiti çərçivəsində Blinkenlə Zelenski arasında görüş keçirilib.