Azərbaycanın taleyində dönüş yaradan hadisələr — müharibələr, sınaqlar, azadlıq uğrunda savaşlar — bir çox fərdi qəhrəmanların adını tarixə yazdı. Amma tarix yalnız fərdlərlə deyil, ailələrlə formalaşır. Bu gün Ağdamda elə bir ailə var ki, onun adı cəmiyyətin hafizəsində təkcə igidliklə deyil, ruhani dayaqla, milli dəyərlə yaşayır: Məhərrəmovlar ailəsi.

Bu ailənin adını çəkdiyimiz anda Azərbaycan xalqının qüruru olan bir sima yadıma düşür — Milli Qəhrəman Fred Asif Məhərrəmov. Onun döyüş meydanında göstərdiyi qəhrəmanlıq, bir ailənin tərbiyəvi gücünü, vətənə olan sədaqətini, millətə verilən örnəkliyin rəmzini daşıyır. Ancaq bu qəhrəmanlıq tək bir anlıq cəsarət deyil — nəsildən-nəsilə ötürülən dəyərli irsdir.

Bu irsin daşıyıcısı bu gün də bu ailədə yaşayır. Ədalət Məhərrəmov — müharibədən sağ çıxan qazi, silahı yerə qoyduqdan sonra vətənə xidmətini fərqli cəbhədə davam etdirir. Onun fəaliyyəti göstərir ki, vətənpərvərlik döyüşlə bitməz — məktəbdə, mədəniyyətdə, ictimai həyatda, gənclərin ruhunda davam edər. Bu ailənin nümayəndələri sadəcə vətəni qorumurlar, onu yaşadırlar.

Ətrafımıza baxdıqda görürük: cəmiyyət qəhrəmanlara yalnız bir medalla deyil, inamla, hörmətlə borcludur. Məhərrəmovlar ailəsinin verdiyi nümunə gənclərə təkcə “vətəni sevin” mesajı deyil — “vətəni yaşayın, qoruyun və ruhunu daşıyın” çağırışıdır. Bu çağırışın cavabı hər gün səslənir — Ədalət Məhərrəmovun danışdığı hər sözdə, göstərdiyi hər addımda.

Tarix hər zaman belə ailələri öz səhifəsinə öyünclə qeyd edir. Onlar təkcə savaşın deyil, sabahın qəhrəmanlarıdır. Onların adı bəlkə bir küçənin, bir kitabın üzərində yazılır. Amma əsl yazı xalqın ürəyindədir.

Mövsümağa Ədalətoğlu
Yazıçı-publisist.