Bu dünya bəzən soyuq və laqeyd görünə bilər, lakin içimizdə olan elə insanlar var ki, onların varlığı hər şeyə rəng, hər şeyə ümid qatır. Emil Hasilov məhz belə bir insandır – təkcə mütəxəssis kardiyoloq deyil, həm də insanlığa sədaqətin, vicdanın və sevginin canlı təcəssümüdür.

Uşaqlarına sevgi ilə yanaşan, onları sadəcə böyütməyən, həm də xarakter və dəyər aşılayan bir ata... Valideynlərinə sonsuz ehtiramla yanaşan, onların dua və təbəssümlərini həyatının mənası sayan bir evlad. Emil Hasilov ailəsi üçün bir dirək, mənəviyyatı üçün bir güzgüdür – bu güzgüdə hər zaman insanlıq, təvazökarlıq və dürüstlük əks olunur.

Kardiyologiya onun peşəsidir, lakin hər bir xəstənin qəlbində hiss etdiyi şəfa onun missiyasının nəticəsidir. Hipokrat andına sadiq qalmaq onun üçün bir forma deyil – bu, onun yaşama tərzidir. Emil Hasilov üçün xəstələr arasında fərq yoxdur; var olan yeganə fərq, onların ehtiyaclarının incə şəkildə sezilməsi və ruhlarına toxunma bacarığıdır.

O, dərmanla müalicə edir, amma səmimiyyəti ilə sağaldır. Onun gülər üzü, sadə danışığı, diqqətli yanaşması və şəfalı əlləri xəstələrə ümid olur. Emil Hasilov hər bir insanı dinləməyi bacarır – çünki o anlayır ki, sağalma bəzən sadəcə fiziki yox, emosional ehtiyacdır.

Sadəlik onun bəzəyidir. Göstərişsiz yardımlar, səssiz dualarla kömək edən bir şəxs olaraq tanınır. Onun mənəvi zənginliyi var-dövlətlə ölçülmür, insanlara verdiyi sevgi və ehtiramla ölçülür.

Həkim kabinetindən kənarda da o, insanlara yol göstərən bir çıraqdır – tələbələr üçün mentor, kollegalar üçün dost, cəmiyyət üçün örnək. Onun adını eşidənlər yalnız bir peşəkar yox, bir “insan” haqqında danışdıqlarını bilir.

Mövsümağa Ədalətoğlu
Yazıçı-publisist