Əliyev Vüqar – adının sadəliyində dərin mənalar gizlənən, həyatını dostluğa, sədaqətə və xidmətə həsr edən bir insandır. Onun varlığı, müasir dünyanın bəzən unudulan, bəzən gözdən qaçan ən ali duyğularını – təmənnasız dostluğu, qardaşlığı və insani dəyərləri – özündə yaşadan canlı bir nümunədir.

Əliyev Vüqar ömrünü mühafizə xidmətinin incəliklərinə həsr etmiş, bu sahədə sadəcə peşəkar deyil, insan olaraq da fərqlənmişdir. Təhlükəsizlik onun üçün təkcə qayda deyil – əminlik, güvən, sadiqlik və vicdan deməkdir. O, arxa planda durub ön planda olanların sakit və güvənli həyatını təmin edən səssiz qəhrəmanlardan biridir.

Onun insanlarla münasibəti bir ayrı dünyadır: Vüqar dostlarına dost deyil, qardaşdır. Onun dostluğu heç zaman qarşılıq güdmür. O, bir fincan çayı paylaşmaqla, bir baxışla, bir telefon zəngi ilə qəlb qazanır. Təmənnasızlığı, köməksevərliyi və sadəliyi onu hamıdan seçir.

Əliyev Vüqarın həyat yolu – təmtəraqsız, sakit, lakin dərin iz buraxan bir ömürdür. Əsil insanlıq onun gündəlik davranışlarında, səssiz fədakarlığında və özünəxas dürüstlüyündə görünür. O, öz əməlləri ilə insanlara inam və ümid bəxş edir, dostluğun itirilmiş anlamını yenidən canlandırır.

Mövsümağa Ədalətoğlu
Yazıçı- publisist