Sabirabadın səssiz torpağında başlayan bir həyat hekayəsi zamanla bütün Azərbaycanı qürurlandıran bir uğura çevrildi. Bu ad — Şükran Soltanov — yalnız bir şəxsi ifadə etmir. O, mübarizənin, əzmin, inamın və ruh gücünün təcəssümüdür.

Şükran həyatın sərt şərtləri ilə barışmadı — onları dəyişdirməyi seçdi. Qarşısına çıxan maneələr onu dayandırmadı, əksinə, yeni yollar açmağa vadar etdi. Sıfırdan başlayıb heç nə ilə yola çıxdı, lakin içindəki ruh, əzmkarlıq və arzularla o yolu ucaltdı. Gecələr yuxusuz qalaraq qurduğu sabahlar, dua və ümidlə bəzənmiş gələcək planları onun yol göstəricisi oldu.

Hər yıxılma onu sarsıtmadı — əksinə daha güclü qalxmasına səbəb oldu. Hər bir uğursuzluq təcrübəyə, hər bir sükut isə qərara çevrildi.

Şükran böyük ölkələrin qapılarını açsa da, Sabirabadın tozlu yollarını unutmadı. Zirvəyə yüksələndə yanında yalnız öz adını deyil, minlərlə susmuş arzunu da götürdü. Onun uğuru sadəcə şəxsi deyil — toplumsal inamın bərpasıdır. O göstərdi ki, yol nə qədər çətin olsa da, ruhun sağ qalarsa, qalib gəlmək
mümkündür.Gənclər onun hekayəsində özlərini tapırlar. “Əgər o bacardısa, deməli mən də bacara bilərəm” düşüncəsi minlərlə ruhu oyadır. Onun həyatı sadəcə bir insanın yüksəlməsi deyil — gənclərə yol göstərən bir mayakdır.

Bu gün Şükran Soltanov təkcə Sabirabadın yox, bütün Azərbaycanın fəxridir. O, sükutla böyüyən arzuları səsləndirərək, ümidsizliyi inama çevirə bilən nadir insanlardandır.

Mövsümağa Ədalətoğlu
Yazıçı publisist