“Mən velosiped sürəndə də ölkəmizin bütün qurumları işləyir”.

Bunu Ermənistanın baş naziri Nikol Paşinyan ölkəsinin İctimai Televiziyasına müsahibəsində deyib.

“Buna görə də biz institusional inkişafdan danışanda bilməliyik ki, institusional inkişaf məhz qurumların işləməsindən ibarətdir. Qurumların işi isə baş nazirin hazırda “uzaqdan idarəetmə”də olub-olmamasından asılı deyil. Çünki o anda sual yaranır: Baş nazir yatıb, yoxsa yatmayıb. Baş nazir yatıbsa, ölkənin qurumları necə işləyir?" - deyə Paşinyan bildirib.