Ötən ilin oktyabr ayından bəri Yaxın Şərqdə vəziyyət pisləşdiyi üçün Livanda ən azı 212 tibb işçisi dünyasını dəyişib.

Bu barədə BMT-nin Humanitar Məsələlərin Əlaqələndirilməsi İdarəsinin Livandadakı vəziyyətlə bağlı hesabatında deyilir.

Qeyd olunub ki, 2023-cü ilin oktyabr ayından bəri səhiyyə müəssisələrinə 136 hücum olub, nəticədə 212 tibb işçisi həlak olub. Belə ki, təkcə ötən həftə 70 tibbi işçisi dünyasını dəyişib.

Bundan başqa hücumlar nəticəsində Livandakı 178 tibb müəssisəsindən 21-i işləri dayandırmaq və ya göstərilən xidmətlərin həcmini azaltmaq məcburiyyətində qalıb.