Xəbər verdiyimiz kimi, Sumqayıtda Xəzri bağlarında baş verən hadisədən sonra zəhərlənən 6 uşaqdan biri vəfat edib.

Hadisə ilə bağlı TƏBİB məlumat yayıb.

Bildirilib ki, bu gün saat 15:00 radələrində Sumqayıt Tibb Mərkəzinin Uşaq Xəstəxanasına hospitalizasiya olunan 2024-cü il təvəllüdlü azyaşlının (qadın cinsli) aparılan reanimasiya tədbirlərinə baxmayaraq, 04.04.2026-cı il tarixində saat 05:10 radələrində bioloji ölüm faktı qeydə alınıb.

“Meyit təşrih olunması üçün aidiyyəti üzrə təhvil verilib. Qeyd edək ki, azyaşlı 01.04.2026-cı il tarixində saat 18:10 radələrində dəm qazı zəhərlənməsi səbəbilə Reanimasiya şöbəsinə yerləşdirilmiş və yaxınlarının yazılı iltizamına əsasən 02.04.2026-cı il tarixində evə buraxılmışdı. Əlavə edək ki, digər 5 nəfərin müalicəsi tibb müəssisəsinin müvafiq şöbəsində davam etdirilir, vəziyyətləri stabildir”, - məlumatda deyilir.