Xocalı Soyqırımını Tanıtma İctimai Birliyi 2007-ci ildən Azərbaycan Respublikasının Ədliyyə Nazirliyi tərəfindən Dövlət Qeydiyyatına alınmışdır. “Xocalı Soyqırımını Tanıtma İctimai Birliyi” qeydiyyata alındığı gündən etibarən Xocalı Soyqırımın tanıdılması üçün çoxsaylı tədbirlər həyata keçirib və eyni zamanda Xocalıya Ədalət kompaniyasında hər zaman fəal iştirak edib.
​İctimai Birlik 14 iyun 2024-cü il tarixində, 1992-ci ildə məzun olmağa hazırlaşan lakin baş verən faciə nəticəsində məzun ola bilməyən şagirdlərin 32 ildən sonra “Çalınmayan son zəng”ni tamamlamasını həyata keçirmək məqsəd ilə ilk dəfə Xocalı şəhərində gecikmiş son zəng gününü geniş tədbir şəklində qeyd olunub. Xocalı Soyqırımını Tanıtma İctimai Birliyi tərəfindən təşkil olunan tədbir yüksək səviyyədə həyata keçib
Tədbirdə Azərbaycan Respublikası Prezidentinin Xankəndi şəhərində, Ağdərə və Xocalı rayonlarındakı xüsusi nümayəndəliyinin əməkdaşı Zöhrab İsayev, Xocalı Rayon İcara Hakimiyyətinin əməkdaşı Xəlil Vəliyev və digər rəsmi şəxslər iştirak edib.
Tədbirin yekununda Xocalı Şəhidlər Xiyabanı ziyarət edilib və eyni zamanda Xocalı şəhidlərinin əziz xatirəsini anmaq məqsədi ilə Xocalı çayına qənrənfil gülləri atılıb.

Mövsümağa Abasov
Xocalı Soyqırımını Tanıtma ictimai birliyinin mətbuat xidmətinin rəhbəri.
AJB- nın üzvü.