Thodex-in qurucusu Faruk Fatih Özerin həbsxanada meyiti tapılıb.

Faruk Fatih Özerin meyiti həbsxananın tək nəfərlik kamerasının hamam otağında asılmış vəziyyətdə aşkarlanıb.

Qeyd edək ki, Thodex adlı kriptovalyuta birjası vasitəsilə çox sayda insanı dələduzluq yolu ilə aldatmaqda ittiham olunan Faruk Fatih Özer Albaniyada 2022-ci il avqustun 30-da saxlanılaraq Türkiyəyə gətirilib. Onun barəsində cinayətkar təşkilat qurmaq, idarə etmək və təşkilata üzv olmaq, dələduzluq və əmlak dəyərlərini leqallaşdırmaq kimi ittihamlarla 11 min 190 il 6 ay həbs cəzası tələb olunurdu.