Əkrəm İmamoğlu barəsində casusluq ittihamı ilə istintaq başladılıb.

İstanbul Baş Prokurorluğunun açıqlamasında Terror Cinayətlərinin İstintaq Bürosu tərəfindən aparılan istintaqın 4 iyulda casusluq ittihamı ilə həbs edilən Hüseyn Günün rəqəmsal materiallarına əsaslandığı bildirilir.

Açıqlamada “bir çox xarici kəşfiyyat rəsmiləri ilə əlaqə saxladığı” deyilən Hüseyn Günün İmamoğlunun müşaviri Necati Özkana “təlimat verdiyini göstərən danışıqlar apardığı” qeyd olunub.

Baş Prokurorluğun açıqlamasında jurnalist Merdan Yanardağın Hüseyn Günlə “casusluq fəaliyyəti ilə bağlı çoxsaylı əlaqələr və yazışmalarının olduğu” bildirilir. Həmçinin, Yanardağın “seçki prosesi üçün mətbuat bölməsini təşkil etdiyi, Hüseyn Gündən müavinət aldığı və 2019-cu ildə yerli seçkiləri manipulyasiya etmək üçün xarici kəşfiyyat orqanları ilə əməkdaşlıq etdiyi və bununla da casusluq cinayəti törətdiyi” iddia edilib.

İstanbul Böyükşəhər Bələdiyyəsi ilə bağlı digər istintaq işi üzrə iddia edilir ki, "İstanbul Senin" tətbiqi vasitəsilə "4,7 milyon insanın şəxsi məlumatlarının xarici ölkələrə ötürülməsi", "İBB HANEM" tətbiqi vasitəsilə isə "11 milyon insanın seçki qutusu məlumatlarının emal edilərək proqram xaricinə ötürülməsi" həyata keçirilib.

İstintaq çərçivəsində 13 nəfər barəsində həbs qərarı verilib.

***

Əkrəm İmamoğlu barəsində casusluq ittihamı ilə istintaq başladılıb.

İstanbul Böyükşəhər Bələdiyyəsinin keçmiş sədri Əkrəm İmamoğlu, İmamoğlunun seçki kampaniyasının rəhbəri Necati Özkan və jurnalist Merdan Yanardağa qarşı casusluq ittihamı ilə istintaq başladılıb.

Qeyd edək ki, Əkrəm İmamoğlu bu ilin martında İstanbul Böyük Şəhər Bələdiyyəsində başlanan araşdırma çərçivəsində saxlanılıb. İmamoğlunun evində axtarış aparılıb, sonra o, tibbi müayinəyə aparılıb. Bu işlə bağlı ümumilikdə 100-dən artıq şəxs saxlanılıb.

Əkrəm İmamoğlu 2019-cu ildə Cümhuriyyət Xalq Partiyasının namizədi olaraq İstanbul Böyükşəhər Bələdiyyə sədri seçilib.