İyulun 9-u Azərbaycanın Diplomatik Korpuslarında çalışan əməkdaşlarının peşə bayramı günüdür. Mən, dəyərli dostlarımızın adından bu sahədə çalışanları təbrik edirəm. Unutmamalıyıq ki, II Vətən savaşının tarixi qələbəmizlə başa çatdırılmasında diplomatik korpusda çalışanların, həmçinin, Azərbaycan diasporu əməkdaşlarının da müstəsna xidmətləri var. Belə şəxslərdən biri-Azərbaycanın Böyük Britaniya və Şimali İrlandiya Krallığında Fövqəladə və Səlahiyyətli Səfiri cənab Elin Süleymanov, digəri isə Azərbaycanın Macarıstandakı Səfiri cənab Tahir Tağızadədir. Mən dəyərli Elin müəllim və Tahir müəllimi tanımıram. Həmin Səfirlikdə və eyni zamanda, İngiltərənin London şəhərində yerləşən "Azərbaycan Evi"ndə çalışan Əməkdar Mədəniyyət işçisi, tarzən Rafiq Rüstəmov sevdirib Elin Süleymanov və ondan öncə bu Səfirlikdə çalışmış Tahir Tağızadəni bizlərə.
Müqəddəs Kərbəla və Məşhədi ziyarətlərində olmuş Rafiq müəllim, bir daha 80 illik yubileyinizlə əlaqədar Sizi ürəkdən təbrik edirik. Allah-Təala övladlarınızı gözlərinizə çıraq eləsin.Xahiş edirəm, təbriklərimizi hazırda Macarıstanda Səfir işləyən Tahir Tağızadə və Böyük Britaniya və Şimali İrlandiya Krallığında çalışan dəyərli Elin Süleymanova çatdırın. Hər iki Səfirliyin peşəkar komandası var olsun.

Hörmətlə,
Şamil Sabiroğlu,
Azərbaycan Respublikası "Xocalı Soyqırımını Tanıtma" ictimai birliyinin qurucusu, jurnalist.
Bakı şəhəri, 09.07.2025.