Azərbaycanın ləyaqətli, işgüzar və vətənpərvər övladlarından olan Firduz Əhmədovun doğum günüdür. Firduz müəllim 1953-cü il noyabrın 15-də Cəbrayıl rayonunun Soltanlı kəndində doğulub. Firduz müəllim ömrünün 48 ilini pedaqoji sahəyə həsr edib.Hazırda təqaüddədir.
Yeri gəlmişkən deyim ki, bu yaxınlarda Soltanlı kəndinin bir qrup sakininin təşəbbüsü və həmin insanların dəstəyilə Soltanlı kəndinin şəhid oğullarının şəkilləri böyüdülmüş, iri həcmli çərçivələrə salınmış, kənd qəbristanlığında səliqəli şəkildə sıra ilə yerə bərkidilmişdir. Firduz müəllim söhbət zamanı həmin şəxslərə öz təşəkkürünü bildirdi və onların adlarını qeyd etdi: Zahid müəllim, Səttar müəllim, Qərib müəllim, Elbruz müəllim, Aqşin müəllim, Namiq müəllim və Əbil müəllim. Təbii ki, həmin şəxslərin arasında dəyərli Firduz Əhmədov da var.
Dəyərli Firduz müəllim, mən 35 ildən çoxdur Sizi tanıyıram. Fəxr edirəm, Azərbaycanın Sizin kimi ləyaqətli oğlu var. Əziz insan, doğum gününüzü ürəkdən təbrik edir, ən xoş arzularımı bildirirəm.

Hörmətlə,
Şamil Sabiroğlu, jurnalist.
Bakı, 15.XI.2024