Bilirik ki, Azərbaycanın müstəqillik yoluna çıxması Heydər Əliyevin Naxçıvan MR-nin Ali Məclisinə rəhbərlik etdiyi dövrdən başlayıb.

Məhz böyük siyasətçi Heydər Əliyevin 1990-cı ildən sonra Naxçıvanda yaşayıb fəaliyyət göstərməsi, apardığı müdrik siyasət Muxtar Respublikanı erməni təcavüzündən qorumuşdur. Belə bir şəraitdə dəstəyi yalnız xalq olan dahi öndər Heydər Əliyev bir daha Azərbaycanın dövlətçiliyinin qorunması üçün şücaətli addımlar ataraq tək başına bütün silahlı birləşmələri ləğv etdi. Dövlət çevrilişi etmək istəyənlər bir daha Heydər Əliyev böyüklüyünü anladılar. Bu prosesdə də təbii ki, iti zəka və güclü idarəçilik təcrübəsi öz sözünü dedi, qiyamçılar Heydər Əliyev - Xalq birliyinin qarşısında məğlub oldular. Bununla da ümummilli lider Heydər Əliyev ölkədə anarxiyaya, özbaşınalığa, qanunsuzluğa son qoydu.

Dövlətçiliyimizin təməl sütunlarını möhkəmləndirdi. Məlumdur ki, ümummilli liderimiz Heydər Əliyev Azərbaycanı ikinci dəfə müflisləşmiş halda, böhrana düşdüyü vəziyyətdə, vətəndaş müharibəsi ərəfəsində qəbul etmişdi...

Heydər Əliyev geniş xalq kütlələri ilə sıx əlaqəyə girməyə, onların arzu və təkliflərini dinləməyə böyük üstünlük verirdi. Doğurdan da onun hakimiyyətə qayıdışı həm iqtisadiyyatımızda, həm də digər sahələrdə böyük və əsaslı inkişafa zəmin yaratdı, həmçinin, xalqın sosial vəziyyətinin yaxşılaşmasına tükənməz səy göstərdi.

Heydər Əliyev respublika rəhbəri kimi sosial-iqtisadi həyatımızda baş verən hadisələri dərin təhlil etmək qabiliyyətində olan yeganə lider olub. O, geniş mənada sabahı görməyi bacarırdı.
Məhz tarixi qayıdışdan sonra ümummilli liderimizin uzaqgörənlik və müdrikliklə həyata keçirdiyi siyasət Azərbaycanın müstəqilliyini əbədi, dönməz və sarsılmaz etmişdir. Bu səbəbdən 1993-1995-ci illər müasir Azərbaycanın tarixinə dövlət müstəqilliyinin qorunub saxlanılması uğrunda mübarizə dövrü kimi yazılmış, ictimai-siyasi sabitliyin və qanunçuluğun bərqərar edilməsi bu dövrün ən mühüm nailiyyəti olmuş, ümummilli liderimizə dövlət quruculuğunda, iqtisadi, sosial və mədəni həyatda böyük işlərə başlamaq, genişmiqyaslı və ardıcıl islahatlar aparmaq üçün əlverişli şərait yaratmışdır.

Heydər Əliyevin xalqın təkidi ilə ikinci dəfə hakimiyyətə qayıdışı dövlət prioritetinin əsas göstəricisi idi və sevindirici haldır ki, bu gün onun uzaqgörən siyasətini layiqli davamçısı cənab İlham Əliyev uğurla davam etdirir.

AJB nin üzvü.
44gunsavash.az saytının rəhbəri.
Mövsümağa Abasov