Xalqımız çoxəsrlik tarixə malikdir, dəfələrlə özünün dövlət dəyərlərini milli pafosda qeyd edib və hər dəfə də bir sıra məhrumiyyətlərə tuş gəlib. 107 il bundan qabaq da - 28 may 1918-ci ildə Azərbaycan özünün müstəqillik ideyalarını yaydı, müstəqil bir dövr yaşadı. Ancaq bu da cəmi 23 ay çəkdi...

Bəllidir ki, həmin tarixdən etibarən xalqımız 28 May tarixini Respublika Günü (Müstəqillik Günü) kimi qeyd edir. Bu tarix Azərbaycanda milli bayramdır və 1918-ci ildə Azərbaycan Xalq Cümhuriyyətinin yarandığı gün kimi tarixə düşüb. Yəni bu möhtəşəm tarix müsəlman Şərqində ilk dünyəvi demokratik dövlətin təsisatı kimidiqtə edilir. 15 oktyabr 2021-ci ildən Respublika Gününün adı dəyişdirilərək Müstəqillik Günü kimi elan olunub.

Azərbaycan Xalq Cümhuriyyətinin tariximizdəki yeri və roluna xüsusi qiymət verən Ümummilli Lider Heydər Əliyev deyirdi: “Biz ilk Demokratik Cümhuriyyətin yaranması gününü əziz tutaraq, onu Azərbaycanın dövlət müstəqilliyi günü – Respublika Günü elan etmişik və bu, bizim milli bayramımızdır”.

O vaxt yeni qurulan Azərbaycan Xalq Cümhuriyyəti öz üzərinə götürdüyü çətin tarixi vəzifəni şərəflə yerinə yetirirdi. Çox sevindirici haldır ki, həmin missiyanı 1993-cü ildə xslqın təkidli tələbi ilə yenidən hakimiyyətə qayıdan Ümummilli Lider Heydər Əliyev öz üzərinə götürdü və Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Beləliklə, Ümummilli Lider Heydər Əliyevin şah əsəri olan müasir müstəqil Azərbaycan dövləti quruldu və bu dövlət sürətli inkişaf yoluna qədəm qoydu. Xoş haldır ki, Ümummilli Liderin bu siyasətini Prezident cənab İlham Əliyev uğurla davam etdirir. Dövlətimizin başçısının sərəncamları ilə 2018-ci il ölkəmizdə “Azərbaycan Xalq Cümhuriyyəti İli” elan olundu və AXC-nin 100 illik yubileyi təntənəli şəkildə qeyd edildi.

Bu gün isə ilk dəfə olaraq,”Respublika Günü” nü qalibiyyət və qürurla qeyd edirik.

Xoşbəxtik ki, müstəqilliyimizin hazırkı prosesində üçrəngli bayrağımız Azərbaycanən hər yerində - işğaldan azad edilmiş ərazilərimizdə də qürurla dalğalanır...

Mövsümağa Abasov