Doğum gününü səmimi qəlbdən təbrik edirəm, mənim əziz və dəyərli qardaşım Həci Azər. Sən Vətənini canı ilə sevən, onun uğrunda mübarizə aparan igid bir qazisan. Ağdam torpağının qüruru, bütöv Azərbaycanın fəxri olaraq adın daim ucalarda çəkilir. Sənin təmiz və səmimi qəlbin insanlara güvən, ailənə isə xoşbəxtlik bəxş edir. Tanrı sənə sağlam can, uzun ömür və sevinclə dolu günlər nəsib etsin. Üzündəki təbəssüm heç vaxt solmasın, çünki o, həm ailənin, həm də dostlarının sevinc qaynağıdır. Vətən sevgisiylə yaşayan igidlər həmişə xalqın sevgisiylə yaşayır, sən də bu sevginin ən parlaq nümunəsisən. Vətənə olan sevgin səni zirvələrə qaldırır, səni ucalığın rəmzinə çevirir. Hər addımın igidliyin, hər nəfəsin vətənpərvərliyin dastanı kimi yaddaşlarda yaşayır. İnsanın böyüklüyü onun qoruduğu dəyərlərlə ölçülür – bu düşüncə sənin həyat yolunu təsvir edir. Adın və yolun daim işıq saçsın, çünki sən Vətənin əbədi qəhrəmanısan.

Mövsümağa Ədalətoğlu
AJB-nin üzvü
yazıçı-publisist