2016-cı il aprelin 2-də başlayan və 4 gün davam edən Aprel döyüşləri xalqımızın yaddaşına qanla yazılmış qəhrəmanlıq dastanı kimi həkk olundu. Bu gün, 2 aprel 2026-cı ildə, həmin şanlı mübarizənin 10-cu ildönümünü qeyd edirik.

O günlərdə Şəhidlərimizin qanı ilə sulanan torpaq bu gün azad nəfəs alırsa, bu, onların fədakarlığının, qazilərimizin igidliyinin və xalqımızın birliyinin nəticəsidir. Şəhidlər – ölümsüzlüyün canlı simvolu, azadlığın müqəddəs rəmzidir. Qazilər – həyatlarını Vətən uğrunda qurban verən, amma yenilməyən iradənin təcəssümüdür.

Bu tarixi yolun başında Müzəffər Ali Baş Komandan Cənab Prezident İlham Əliyevin qətiyyəti, müdrikliyi və sarsılmaz iradəsi dayanır. Onun rəhbərliyi ilə xalqımızın gücü birləşdi, milli ruhumuz möhkəmləndi və Zəfər yolunun təməli qoyuldu.

Azadlıq sadəcə bir söz deyil, şəhid qanı ilə yazılmış müqəddəs kitabdır. Bu kitabı oxumaq, yadda saxlamaq və gələcək nəsillərə ötürmək bizim borcumuzdur. Hər bir səhifəsi qanla yazılmış bu kitab bizə kimliyimizi, qürurumuzu və müstəqilliyimizi xatırladır.

Şəhidlərimizin ruhları şad olsun, Qazilərimizə can sağlığı, Ali Baş Komandanımıza uzun ömür arzulayırıq. Bu gün – yaddaşımızın, qürurumuzun və milli kimliyimizin günüdür.

Unutmayaq, unutdurmayaq!

Mövsümağa Ədalətoğlu
AJB-nin üzvü
yazıçı-publisist