Azərbaycan kişiləri orta testosteron göstəricisinə görə dünya üzrə 4-cü sırada yer alır.

Bu barədə "World Population Review" tərəfindən dərc edilən araşdırmada göstərilib.

Statistik məlumatlar ölkədə kişilərin orta testosteron səviyyəsinin 740 nanogram/desilitr olduğunu göstərir.

Reytinq siyahısına Özbəkistan başçılıq edir. Bu ölkədə kişilərdə testosteronun orta səviyyəsi təxminən 780 nanogram/desilitr təşkil edir. İkinci pillədə 760 nanogram/desilitr göstərici ilə Xorvatiya qərarlaşıb. İlk üçlüyü Kamerun tamamlayır.

Siyahıda 5-ci yerdə Monqolustan yer alır və bu ölkədə orta testosteron səviyyəsi 720 nanogram/desilitr olaraq qeyd edilib. 

Mütəxəssislərin fikrincə, testosteron səviyyəsinə genetik faktorlar, qidalanma vərdişləri, həyat tərzi və fiziki aktivlik mühüm təsir göstərir. Bildirilir ki, bu hormon kişi sağlamlığı, əzələ gücü, enerji səviyyəsi və ümumi fiziki durumla birbaşa əlaqəlidir.