İnsaflı insan hər qazancı vicdanla ölçür. Heç kimin haqqına girməz, ədalətsiz yolları seçməz. Bəzən bu insaf onu maddi baxımdan geridə qoyur.

Varlı olmaq üçün bəziləri heç nəyə baxmadan hər fürsəti dəyərləndirir. Amma insaflı insan “əvvəl vicdan” deyir.

Bu dünyada insaflı olmaq çox zaman varlı olmaq şansını azaldır. Çünki insaflı insan artıqdan götürməz, başqasının haqqını sayar, ehtiyaclıya əl uzadar.

Ancaq insaflı olmaq yoxsulluq deyil. Bu, insanın mənəvi zənginliyidir. Vicdanlı insan ruhən varlıdır, baxmayaraq ki, cüzdanı dolu olmaya bilər.

Əsl varlıq — rahat ruh, təmiz vicdan və içindəki insana dəyər verməkdir.

Səbuhi Həsənov.