SEPAH-ın helikopteri qəzaya uğrayıb, yaralananlar var.

Bu barədə İslam İnqilab Keşikçiləri Korpusunun (SEPAH) ictimaiyyətlə əlaqələr bölməsi məlumat yayıb.

Məlumata görə, SEPAH-ın Hərbi Hava Qüvvələrinə məxsus helikopter təlim tapşırığını yerinə yetirən zaman Fars vilayətinin Zərindəşt şəhəri yaxınlığında qəzaya uğrayıb.

Qəza nəticəsində xəsarət alanların olduğu bildirilir. Yaralılar xəstəxanaya çatdırılıb.