Salam, hörmətli redaksiya!
Sizi Sabunçu rayonunun Kürdəxanı qəsəbə sakini Aynurə Adıgözəl qızı Rüstəmova narahat edir. 2 il öncə ömür - gün yoldaşım, 1975 - ci il təvəllüdlü Sərdar Rüstəmov xroniki böyrək çatışmazlığı diaqnozu ilə Azərbaycan Respublikası Dövlət Gömrük Komitəsinin Mərkəzi Gömrük Hospitalında müalicəyə başladı. Müalicə effekt vermədiyindən həmin şəfa ocağının Hemodializ şöbəsində, daha sonra isə Bakı şəhər 1 saylı Klinik Xəstəxanasının Hemodializ şöbəsində dializ olundu. 1 ay öncə hiss etdik ki onun qara ciyərində də ciddi narahatçılıq var. Kürdəxanı Sağlamlıq Mərkəzinə müraciət etdik. Müraciətimizə dərhal müsbət reaksiya verildi. Hazırda Sərdar Rüstəmov Sabunçu Tibb Mərkəzinin nəzdindəki Məhəmmədi Modul Tipli Xəstəxanasının İnfeksiya şöbəsində müalicə alır. Sevindiricidir ki, tibb işçiləri qısa müddətdə həmin narahatçılığı aradan qaldıra bildilər.
Xahiş edirəm, Sərdar Rüstəmovun və bizim təşəkkürümüzü Sabunçu Tibb Mərkəzinin direktoru Cavid Paşayevə, Direktor müavini Sevinc Həsənzadəyə, Sabunçu TM Hemodializ şöbəsinin həkimi Ramin Yarmetova, bu şəfa ocağının Terapiya şöbəsinin müdiri Orxan Hacıyevə, Məhəmmədli Modul Tipli Xəstəxanasının baş həkimi Solmaz Məmmədovaya, bu şəfa ocağının İnfeksiya şöbəsinin müdiri İsmayıl İsmayılova, infeksionist Sima İsmayılovaya, Məhəmmədi Modul Tipli Xəstəxanasının baş tibb bacısı Sevil Həsənovaya, Məhəmmədi Modul Tipli Xəstəxanasının 2-ci Korpusunda çalışan bütün tibb işçilərinə, həmçinin, Kürdəxanı Sağlamlıq Mərkəzinin direktoru Ceyran Əhmədovaya və şöbə müdiri Aytən Məmmədovaya çatdırasınız.
Şəfalı əlləriniz var olsun, dəyərli ağxalatlılar!

Aynurə Adıgözəl qızı Rüstəmova,
Sabunçu rayonu, Kürdəxanı qəsəbə sakini.
24.08.2026.