Novruz – kainatın nəfəsi, həyatın əbədi dövranının rəmzi. Bu bayramda torpaq öz sirlərini açır, su saflaşır, od işığa çevrilir, külək ümid gətirir. Baharın bu möhtəşəm çağında insan ruhu yenilənir, qəlblərdə sevgi, ümid və xoşbəxtlik çiçəkləri açır. Novruz yalnız təbiətin oyanışı deyil, həm də insanın mənəvi dirçəlişidir – xeyirxahlığın, vətənpərvərliyin bayramıdır.

Müəllim – baharın özüdür. Onun sözləri torpağa səpilən toxum kimi gələcəyin meyvəsini verir, onun qəlbindəki sevgi şagirdlərin ruhunda işıq saçır. Hörmətli Nurullayeva Elfira Bəbir qızı, sizin təlim-tərbiyə yolunuz baharın günəşinə bənzəyir: hər bir şagirdinizdə vətən sevgisi, elmə bağlılıq, insanlıq duyğusu cücərir. Siz yalnız bilik öyrətmirsiniz, siz ruh yetişdirirsiniz – sabaha ümid olan gənclər, vətənə layiqli övladlar.

Mən valideyn olaraq sizə öz təşəkkürümü bildirirəm. Bu təşəkkür yalnız şəxsi duyğularım deyil, həm də bütün valideynlərin ürəyindəki minnətdarlığın səsi kimi səslənir. Çünki sizin fədakarlığınız, şagirdlərə göstərdiyiniz qayğı və sevgi onların gələcək həyat yolunda ən möhkəm dayağa çevrilir. Sizin gülərüzünüz, səmimiyyətiniz və peşəkarlığınız təkcə şagirdlərə deyil, bütöv bir kollektivə güc və ruh verir.

Bununla yanaşı vurğulamaq lazımdır ki, sizin fəaliyyətiniz yalnız bir müəllim kimi deyil, həm də bir ziyalı, bir vətəndaş kimi nümunəvi xarakter daşıyır. Siz cəmiyyətin mənəvi dayaqlarından birisiniz, gələcək nəsillərin formalaşmasında əvəzsiz rol oynayırsınız. Təhsil sahəsindəki xidmətləriniz, şagirdlərə verdiyiniz dəyər və vətənpərvər ruh onların həyat yolunu işıqlandırır.

Novruz bayramı münasibətilə sizə ünvanlanan təbriklər, əslində, bir xalqın müəllimə olan ehtiramının təcəssümüdür. Bu bayram sizin qəlbinizdə sevgi və xoşbəxtlik çiçəkləri kimi açsın, üzünüzə təbəssüm, gözlərinizə sevinc bəxş etsin. Siz baharın özüsünüz – yenilənmənin, ümidin, həyatın və gələcəyin rəmzi. Sizin varlığınız, fədakarlığınız və təlim yolunuz baharın işığı kimi cəmiyyətin yolunu nurlandırır, gələcək nəsillərə ümid və güc bəxş edir.

Mövsümağa Ədalətoğlu
AJB-nin üzvü
Yazıçı-publisist