Türkiyə Prezidenti Qlobal Sumud Donanmasına qarşı İsrailin beynəlxalq sularda törətdiyi hücumu sərt şəkildə pisləyib.

Prezident Ərdoğan bu barədə X hesabı üzərindən paylaşım edib.

O, qeyd edib ki, Qəzzada aclıqdan ölən uşaqlara diqqət çəkmək və məzlumlara humanitar yardım aparmaq üçün yola çıxan donanmaya qarşı edilən bu quldurluq İsrailin Qəzzadakı cinayətlərini gizlətmək cəhdlərinin göstəricisidir:

"Soyqırımçı Netanyahu hökuməti sülhün bərqərar olmasına, hətta belə bir ehtimalın yaranmasına belə dözümsüz yanaşır.

Sumud Donanması Qəzzadakı vəhşiliyi və İsrailin qətliamçı siyasətini bir daha bütün dünyaya göstərib. Türkiyə insanlığın ortaq vicdanını təmsil edən bu ümid yolçularının yanındadır.

Türkiyənin müvafiq qurumları hadisələrin gedişatını yaxından izləyir, aktivistlərin və vətəndaşların təhlükəsizliyi üçün bütün tədbirlər görülür.

Qəzzada qan tökülməsinin dayandırılması, humanitar yardımların maneəsiz çatdırılması və atəşkəsin təmin olunması üçün əlimizdən gələni edəcəyik".