Belarus Prezidenti Aleksandr Lukaşenko müxtəlif millətlərdən olan 52 məhbusu əfv edib, onların hamısı indi Litvaya yollanır.

Bu barədə ABŞ-nin Vilnüsdəki səfirliyinin nümayəndəsi məlumat verib.

Prezident Donald Tramp daha əvvəl belaruslu həmkarı Aleksandr Lukaşenkonu məhbusları azad etməyə çağırıb.

"Prezident Trampın köməkçisinin müavini Con Koulun rəhbərlik etdiyi ABŞ nümayəndə heyəti Minskdə danışıqlardan sonra Vilnüsə yollanır. Müxtəlif millətlərdən olan 52 məhbus azad edilib", - ABŞ-nin Litvadakı səfirliyinin nümayəndəsi bildirib.​​​​