Azərbaycan və Qırğızıstanın yüksək dinamika ilə inkişaf edən münasibətləri tarixi köklərə əsaslanır.

“Report”un Bişkekə ezam olunmuş əməkdaşı xəbər verir ki, bunu Azərbaycanın mədəniyyət naziri Adil Kərimli Qırğızıstan Milli Filarmoniyasında keçirilən Azərbaycan Mədəniyyəti Günlərinin açılışında deyib.

Nazir bildirib ki, Azərbaycan və Qırğızıstan prezidentlərinin münasibəti mədəni-humanitar yaxınlıq üçün əsas istiqamətverici faktordur.

A.Kərimli son illərdə iki ölkənin yaradıcı kollektivlərinin qarşılıqlı səfərlərinə diqqət çəkib:

“Bu kimi yaradıcı səfərlər, eləcə də mədniyyət günləri xalqların bir-birini daha yaxından tanımasına xidmət edir”.