ABŞ-nin keçmiş prezidenti Donald Tramp Cənubi Filadelfiyada restoranda ofisianta 500 dollarlıq bəxşiş qoyub.

O, çekin arxasına “bəxşiş, vergisi ilə birlikdə” sözlərini yazıb.

Bildirilir ki, Trampın restorana səfəri “gözlənilməz” olub.

Qeyd edək ki, Tramp daha əvvəl Las-Veqasda keçirilən mitinqdə seçicilərə söz vermişdi ki, Ağ Evə qayıdandan sonra görəcəyi ilk iş, əyləncə işçilərinin əsas gəlir mənbəyi olduğu üçün bəxşişə görə vergiləri ləğv etmək olacaq.