Azərbaycan Respublikası Prezidentinin 25 may 2026-cı il tarixli 1044 nömrəli Fərmanı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nın rayonlarda icrası ilə bağlı Saatlı rayonunda kənd təsərrüfatı sahəsində fəaliyyət göstərən bir sıra təsərrüfatların fəaliyyəti və həmin təsərrüfatlarda proqramın icrası istiqamətində görülən işlərə baxış keçiriblər.
Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin sektor müdiri Vəfadar Bağırov, Saatlı Rayon İcra Hakimiyyətinin başçısı Elmir Bağırov, Azərbaycan Respublikası Kənd Təsərrüfatı Nazirliyinin Balıqçılıq və Akvakultura Mərkəzinin direktoru Ceyhun Əliyev və dövlət proqramının icrasının təmini üçün rayonda yaradılmış qərargah üzvləri Saatlı rayonunda fəaliyyət göstərən “Alles” MMC-də ərzaqlıq buğda məhsulunun istehsalı və ət istehsalının artırılması və “BFT Cheesella” MMC-də süd məhsullarının istehsalı sahəsində müəssisələrin fəaliyyətinə baxış keçirilmiş, Həbib” KFT-də intensiv bağçılıq istiqamətində həyata keçirilən layihələrlə tanış olunmuş, müəssisələrin mövcud imkanları bird aha nəzərdən keçirilib. Eyni zamanda kənd təsərrüfatı istehsalının genişləndirilməsi üçün müasir texnologiyalardan istifadə, suvarma və torpaq ehtiyatlarının səmərəli idarə olunması və məhsuldarlığın artırılması ilə bağlı məsələlərə diqqət yetirilib.
Təsərrüfatlara baxış keçirildikdən sonra Saatlı Rayon İcra Hakimiyyətinin inzibati binasında Dövlət Proqramının icrası ilə əlaqədar Qərargah üzvlərinin iştirakı ilə görüş keçirilib. Görüş zamanı Saatlı Rayon İcra Hakimiyyətinin başçısı Elmir Bağırov bildirdi ki, Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı qarşıdakı illərdə aqrar sahənin daha da inkişaf etdirilməsi, kənd təsərrüfatı məhsullarının istehsalının artırılması, fermerlərin fəaliyyətinin dəstəklənməsi və kənd yerlərində məşğulluğun genişləndirilməsi baxımından mühüm əhəmiyyət daşıyır. O, həmçinin Dövlət Proqramı çərçivəsində kənd təsərrüfatı məhsullarının istehsalında səmərililiyin artırılması, müasir texnologiyaların tətbiqinin genişləndirilməsi, resurslardan daha effektiv istifadə və sahələrin dayanıqlı inkişafının təmin edilməsi istiqamətində nəzərdə tutulan tədbirlər barədə məlumat verdi.
Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin sektor müdiri Vəfadar Bağırov çıxışında “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı” ilə fermer və sahibkarlar üçün yaradılan dövlət dəstəyi imkanlarını qeyd edərək, aqrar sahənin inkişafı üçün innovativ texnologiyaların tətbiqinin regionlarda kənd təsəsrrüfatı məhsullarının istehsalının genişləndirilməsində əhəmiyyətini vurğuladı.
İclasın sonunda Dövlət Proqramının uğurlu icrasının təmini üçün qarşıya qoyulan hədəflərə nail olunması istiqamətində nəzarətin gücləndirilməsi, görülən işlər üzrə mütəmadi monitorinq aparılması və nəticələrin təhlil edilməsi diqqətə çatdırıldı. Qarşıya qoyulmuş hədəflərə nail olmaq məqsədilə Saatlı rayonunda aqrar sahədə fəaliyyət göstərən təsərrüfat subyektlərinin dövlət dəstəyi mexanizimlərindən daha səmərəli yararlanması tövsiyə edildi.