Doğum günün mübarək olsun, oğlum.

Allahdan sənə uzun ömür, sağlam can diləyirəm. Qədəmlərin büdraməsin, gözlərindəki işıq heç vaxt sönməsin.

Bu gün bəlkə sənə olan sevgimin böyüklüyünü anlamırsan. Bəlkə ata qayğısının nə olduğunu hələ dərk etmirsən. Amma eybi yox. Sevgi zamansız gəlir, zamanla dərinləşir.

Oğlum, sən atanın kiçik oğlusan, amma həm də göz bəbəyisən. Sənə baxanda mən özümü görürəm. Səndə mənim gəncliyim, mənim ümidim yaşayır.

Bilirsənmi ata olmaq nədir? Ata olmaq sənin gülüşün üçün dünyanı unutmaqdır. Ata olmaq sən yatanda oyaq qalıb səni qorumaqdır. Sən bilmədən sənin üçün dua etməkdir.

Sən böyüdükcə anlayacaqsan. Anlayacaqsan ki, atanın susqunluğunda da sevgi var. Danlağında da qayğı var. Hər bir sözünün arxasında sənin sabahını düşünən bir ürək var.

Mən istəyirəm sən sadəcə yaxşı insan olasan. Qəlbi təmiz, vicdanı oyaq, sözü düz insan olasan. Çörəyə hörmət edən, böyüyə hörmət edən, Vətənini ürəkdən sevən insan olasan.

Allah səni bütün bəlalardan qorusun. Allah səni pis gözdən, pis yoldan, pis insandan uzaq etsin. Qoy həyat sənə ancaq xoş günlər göstərsin.

Sən mənim oğlumsan, amma təkcə oğlum deyilsən. Sən mənim axirət ümidimsən. Bu dünyada qoyub gedəcəyim ən dəyərli izimsən.

Mən səni canımdan, nəfəsimdən, özümdən çox sevirəm, Nihat. Nəfəsim yetdiyi qədər də sevəcəyəm. Elə sevəcəm ki, mən bu dünyadan köçsəm belə, sevgim sənin çiynində bir əl kimi qalacaq. Sən yıxılsan o əl səni qaldıracaq, yolunu azsan o əl sənə yol göstərəcək.

Qoy elə bir ömür yaşayasan ki, mən göylərdən baxanda qürurla deyim: O mənim oğlumdur! O mənim Nihatımdır! O mənim göz bəbəyimdir!

Tanrı səni qorusun, əziz oğlum.

Atan:
Həsənov Səbuhi Nazim oğlu