Gəncədə müqəddəs Ramazan ayının başa çatması münasibətilə İmamzadə ziyarətgah kompleksində bayram namazı öncəsi Ziyarətgahın imamı Hacı Tahir Abbasov çıxış edib. O, Ramazan ayının insanlara bəxş etdiyi mənəvi dəyərlərdən danışaraq bildirib ki, bu ay insanları səbrə, mərhəmətə, yardımlaşmaya və birlik ruhuna səsləyir. İmam qeyd edib ki, cəmiyyətin inkişafı üçün qarşılıqlı hörmət, həmrəylik və milli-mənəvi dəyərlərə bağlılıq mühüm əhəmiyyət daşıyır.

Hacı Tahir Abbasov çıxışında həmçinin ölkədə hökm sürən sabitlik və əmin-amanlığın qiymətinin bilinməsinin vacibliyini vurğulayıb, şəhidlərin xatirəsinin hər zaman uca tutulduğunu qeyd edib. O, xalqımıza sülh, firavanlıq və birlik arzulayıb.

Xüsusilə İlham Əliyevin Ali Baş Komandan kimi fəaliyyəti, eləcə də Mehriban Əliyevanın ölkənin sosial rifahına verdiyi töhfələr vurğulanıb və onların fəaliyyəti üçün dualar edilib.

Eyni zamanda, çıxışda milli birlik və həmrəyliyin qorunmasının vacibliyi xüsusi qeyd olunub, gənclərə milli-mənəvi dəyərlərə sadiq qalmaq çağırışı edilib.

Çıxışdan sonra bayram namazı qılınıb və dindarlar dualar ediblər.

@Patriot News.az