Keçmiş SSRİ-yə məxsus ordu bölmələrinin, həmçinin, muzdlu zabit, gizir və əsgərlərin Azərbaycanın əksər bölgələrində törətdiyi vəhşilik aktından 36 il ötdü. O qanlı şənbə gecəsi dinc əhaliyə qarşı törədilən vəhşilik xalqımızı qorxutmadı, həm də daha mətin olmağa səslədi. Azərbaycanın Dövlət Başçısının qətiyyəti sayəsində Ordu quruculuğuna xüsusi
diqqət ayrıldı. Və nəhayət, 2020-ci il sentyabrın 27-də başlanan və 44 gün davam edən II Vətən savaşında düşmənə sarsıdıcı zərbə vuruldu. 2023-cü il sentyabrın 19 - 20 - də aparılan lokal antiterror əməliyatları zamanı isə Xankəndi şəhəri, Xocalı, Xocavənd və Ağdərə rayonları düşmən tapdağından azad edildi.
Artıq biz, qalib xalqıq. Hazırda işğaldan azad olunan ərazilərdə geniş həcmdə tikinti - abadlıq işləri görülür.
Biz, "Xocalı Soyqırımını Tanıtma" ictimai birliyi olaraq 20 Yanvar şəhidlərinin xatirəsinə həsr olunan məzarlığı ziyarət etdik. Birliyin sədri, jurnalist Şamil Sabiroğlu çıxış edərək Azərbaycanın Dövlət Başçısı cənab İlham Əliyevin apardığı siyasəti dəstəklədiklərini qeyd etdi.

Mövsümağa Ədalət oğlu,
"Xocalı Soyqırımını Tanıtma" ictimai birliyinin Mətbuat Xidmətinin Rəhbəri,
20.01.2026.