• Ana səhifə
  • Haqqımızda
  • Redaksiya siyasəti
  • Reklam
  • Əlaqə
Sizin reklam burada
  • Gündəm
  • Siyasət
  • İqtisadiyyat
  • Cəmiyyət
  • Hadisə
  • Hərbi
  • Müsahibə
  • Mədəniyyət
  • Araşdırma
  • Səhiyyə
  • Diaspor
  • İdman
  • Digər
    • Dünya
    • Qarabağ
    • Bölgə
    • Video
  • Gündəm
  • Siyasət
  • İqtisadiyyat
  • Cəmiyyət
  • Hadisə
  • Qarabağ
  • Bölgə
  • Hərbi
  • Müsahibə
  • Araşdırma
  • Dünya
  • İdman
  • Video

Yaradanın Qüdrəti

Mədəniyyət

Dünən, 18:23



Düşün, ey insan... Bir anlıq dünyanın gurultusunu susdur, zamanın tozunu qəlbinin aynasından sil və ruhunun ən dərin qatına en. Özündən soruş: sən kimsən? Haradan gəlmisən və hara gedirsən? Bir zaman yox idin. Adın yox idi, nişanən yox idi, səni tanıyan yox idi. Sonsuz yoxluğun səssizliyində gizlənmiş bir zərrə idin. Sonra Allah-Təalanın iradəsi təcəlli etdi. Bir damla suya həyat verildi, bir ovuc torpağa ruh üfürüldü və sən yaranışın ən möhtəşəm möcüzələrindən biri kimi bu dünyaya göz açdın. O gündən bəri ürəyin döyünür, damarlarında həyat çağlayır, gözlərin işığı tanıyır, ruhun sevir, ağlayır, darıxır və ümid edir. Halbuki bunların heç biri sənin öz əsərin deyil. Sən ürəyinə döyünməyi əmr etmədin. Nəfəsinə yaşamağı buyurmadın. Gözlərinə görməyi, ruhuna duymağı öyrətmədin. Bütün bunlar sənə verilmiş ilahi əmanətdir. Elə isə öz nəfəsinə belə sahib olmayan insan necə özünü aləmin sahibi saya bilər?

Başını qaldır və səmanın sonsuzluğuna bax. Gecənin qara məxmərində səssizcə yanan ulduzlara bax. Əngin fəzalarda üzən qalaktikalara bax. Hər səhər üfüqdən doğan günəşə, hər bahar torpağın bağrından boylanan həyata, hər yağış damlasında gizlənən hikmətə bax. Bu kainatda heç nə sahibsiz deyil. Hər zərrə ilahi bir əmrə tabedir. Hər yarpaq görünməyən bir sirri pıçıldayır. Hər nəfəs Yaradanın qüdrətindən xəbər verir. Kainat başdan-başa səssiz bir zikr içindədir. Dağlar öz sükutu ilə, dənizlər öz çağlayışı ilə, ulduzlar öz nuru ilə Yaradanı təsbeh edir.

Bu sonsuz əzəmətin qarşısında insan nədir? Bir damla şeh... Bir kölgə... Bir nəfəs... Səhər mehinin önündə titrəyən yarpaq qədər kövrək bir varlıq. Lakin insan çox zaman bunu unudur. Sabahına sahib olmadığı halda əbədiyyət haqqında hökm verir. Öz taleyinin növbəti səhifəsini bilmədiyi halda qüdrət iddiasına düşür. Halbuki insanın bildiyi bir damla, Allahın elmi isə sahili görünməyən bir ümmandır.

Bu dünyanın qanunu dəyişməkdir. Güllər açır və solur. Baharlar gəlir və keçir. Gənclik ötür. Qüvvət tükənir. Gözəllik solur. Şöhrət unudulur. Sərvət əl dəyişir. İnsan nəyi özününkü sanırsa, zaman onu əlindən alır. Çünki dünya sahiblik yeri deyil, əmanət yeridir. Nə sultanlar qaldı, nə fatehlər, nə də özlərini əbədi sananlar. Hamısı gəldi və keçdi. Bu gün yaşayanlar da sabah həmin yolun yolçusu olacaqlar. Dəyişənlərin və yox olanların arxasında isə dəyişməyən bir həqiqət dayanır: Allah. İnsan unudar, Allah unutmaz. İnsan uzaqlaşar, Allah uzaqlaşmaz. İnsan qapı bağlayar, Allah mərhəmət qapıları açar. İnsan yorular, Allah ona qüvvət verər.

Bəzən gecələr uzanar. Bəzən qəlbinə görünməz bir kədər enər. Bəzən insanlar səni anlamaz. Bəzən ən çox güvəndiklərin yarı yolda dayanıb geri dönər. O zaman ruhunun dərinliyindən bir pıçıltı yüksələr: “Mən tək qaldım...” Lakin mömin heç vaxt tək deyil. Çünki Allahın nəzəri altında olan insan necə tək qala bilər? Hamı səni unutsa da, O unutmaz. Hamı sussa da, O eşidər. Qəlbində gizlətdiyin ahı da bilər, gözündən süzülən yaşın dilini də anlayar. Səcdədə əriyən ürəyini də tanıyar, gecələrin sükutunda pıçıldadığın duaları da. Çünki O, şah damarından daha yaxındır. İnsan bəzən Onu uzaqlarda axtarır, halbuki O, qəlbinin özündən də yaxındır.

Allahın qüdrəti yalnız yaratmaqda deyil, diriltməkdə də təzahür edir. O, ölü görünən torpağı baharla diriltdiyi kimi, qırılmış qəlblərə də yenidən həyat verir. Qaranlığın qoynunda sübh gizlədir, ayrılıqların içində qovuşmalar hazırlayır, göz yaşlarını duaya, duaları rəhmətə, rəhməti isə nicata çevirir. İnsan çox vaxt yalnız yaranı görür, Allah isə şəfanı bilir; insan qaranlığa baxır, Allah isə onun bağrında yetişən nuru görür. İnsan son sandığı yerdə Allah yeni başlanğıclar yazır, bağlanmış qapıların arxasında isə gözlənilməz rəhmət yolları açır. Çünki insan hadisələrin zahirinə baxır, Allah isə onların içində gizlənən hikməti bilir.

Əgər qəlbin sınmışsa, bunu bədbəxtlik sayma. Bəlkə həmin qırıq yerdən qəlbinə nur süzülür. Əgər insanlar səni tərk edibsə, özünü itirilmiş hesab etmə. Bəlkə Allah səni insanlardan ayıraraq Özünə yaxınlaşdırır. Əgər duaların gec cavab alırsa, ümidini itirmə. Çünki Allah bəzən verməklə, bəzən gözlətməklə, bəzən də almaqla tərbiyə edir. Bəzən əlindən sevdiyini alır ki, ürəyində Özünə yer açsın. Bəzən qüssə göndərir ki, ruhunu oyatsın. Bəzən bütün qapıları bağlayır ki, insan yalnız Onun qapısını döysün. Çünki ilahi məhəbbət insanın istədiyi kimi deyil, ehtiyac duyduğu kimi təcəlli edir.

Bil ki, hər yara bir hikmətdir. Hər göz yaşı bir duadır. Hər səbir bir ibadətdir. Hər hicran bir məktəbdir. Hər gecə bağrında bir sübh daşıyır. Allah heç bir dərdi səbəbsiz yaratmaz. Heç bir ahı cavabsız qoymaz. Heç bir sınmış qəlbi unudub keçməz. Çünki O, Ər-Rəhmandır. O, Ər-Rəhimdir. O, Əl-Lətifdir. O, Əl-Vəduddur.

Və gün gələcək... Dünyanın bütün səsləri susacaq. Adlar unudulacaq. Yollar sona çatacaq. Günəş büküləcək. Ulduzlar nurunu itirəcək. Dağlar ovulacaq. Dənizlər daşacaq. Zaman son nəfəsini verəcək. O gün insan ömrü boyu arxasınca qaçdığı hər şeyi arxada qoyacaq. Nə sərvət qalacaq, nə şöhrət, nə məqam, nə də insanların tərifi. Yalnız qəlbin daşıdığı həqiqətlər qalacaq. Yalnız Allahla aranda qurduğun bağ qalacaq.

Və həmin an ömrünün sirri açılacaq. Anlayacaqsan ki, sən heç vaxt bu dünyanın olmamısan. Dünya sadəcə keçdiyin yol idi. Mənzilin isə Allah idi. Sevdiyin hər gözəllik əsl Gözəlin kölgəsi idi. Axtardığın hər mərhəmət Onun mərhəmətinin bir zərrəsi idi. Könlünü yandıran hər həsrət isə Onun hüzuruna duyulan gizli həsrətin adı idi. Onda ruhunun bütün pərdələri çəkiləcək və anlayacaqsan ki, həyatın sirri yaşamaqda deyil, Allaha doğru yol almaqdadır; qazanmaqda deyil, Rəbbini tanımaqdadır; insanlara bağlanmaqda deyil, Allahın sevgisində əbədiyyət tapmaqdadır.

Sonra elə bir məqama çatacaqsan ki, artıq heç nə soruşmaq istəməyəcəksən. Çünki ömür boyu cavab axtardığın bütün suallar öz mənasını itirəcək. Onda anlayacaqsan ki, insanın ən böyük ehtiyacı bilmək deyilmiş, aid olduğu həqiqəti tapmaq imiş. Sən xoşbəxtlik axtardığını düşünmüsən, halbuki qəlbin bütün ömrü boyu yalnız Öz Yaradanını axtarıb. Sevgidə də Onu axtarmısan, ayrılıqda da. Ümiddə də Onu axtarmısan, göz yaşında da. Hər gözəlliyə baxanda Onun nurundan bir zərrə görmüsən, hər həsrətdə Onun hüzuruna olan gizli çağırışı hiss etmisən. Dünya sənə min səhnə göstərib, min yol açıb, min arzu verib, amma ruhun heç vaxt burada qərar tuta bilməyib. Çünki ruh bu dünyanın sakini deyil, əbədiyyətin yolçusudur.

Onda qəlbindəki o bitməyən boşluğun sirri də açılacaq. Anlayacaqsan ki, o boşluq heç vaxt əskiklik olmayıb. O, əbədiyyətin izidir. Dünya onu doldura bilməzdi, çünki dünyanın özü də fanidir. Sonsuzu axtaran bir ruhu sonlu olan heç nə doyura bilməzdi.

Dağlar keçəcək. Dənizlər çəkiləcək. Ulduzlar sönəcək. Zaman dayanacaq. Ölüm də öz hökmünü tamamlayacaq. Lakin bir şey dəyişməyəcək: səni yoxluğun qaranlığından varlığın işığına çağıran Mərhəmət. Səni ilk nəfəsindən son nəfəsinə qədər müşayiət edən Rəhmət.

Və sən bütün varlığınla anlayacaqsan ki, insanın ən böyük zəfəri dünyanı qazanmaq deyilmiş, öz Rəbbinə qovuşmaq imiş. Ən böyük səadəti sevilmək deyilmiş, Sonsuz Sevginin rəhmətində qərar tutmaq imiş. Ən böyük qurtuluşu isə ölümdən qaçmaq deyilmiş, ölümün o tayında başlayan həqiqi həyata yetişmək imiş.

Sonra bütün qorxular susacaq. Bütün suallar əriyib gedəcək. Bütün ayrılıqlar sona çatacaq. Bütün həsrətlər dinəcək. Ruh artıq cavab axtarmayacaq. Çünki cavabın özünə çevriləcək. Sözlərin bitdiyi yerdə sükut danışacaq. Zamanın bitdiyi yerdə əbədiyyət başlayacaq.

Və ruh yalnız bir həqiqətin sonsuz nurunda dayanacaq:
Allah...

Artıq nə dünən olacaq, nə sabah. Nə başlanğıc qalacaq, nə son. Nə yol qalacaq, nə yolçu. Nə ad qalacaq, nə ünvan. Yalnız Həqiqət qalacaq. Yalnız Allah qalacaq.

Və sən bütün varlığınla anlayacaqsan ki, əslində insan ömrü boyu nəyisə axtarmırmış, Kiməsə qayıdırmış. Bütün yolların sonu, bütün duaların cavabı, bütün göz yaşlarının mənası, bütün sevgilərin qaynağı bir imiş.

Çünki hər şey Ondan gəldi.
Hər şey Ona dönür.
Və varlığın ən böyük sirri budur:
İnsan Allaha qovuşanda sonluq başlamır. İnsan Allaha qovuşanda sonsuzluq başlayır.

Mövsümağa Ədalətoğlu
AJB-nin üzvü
yazıçı-publisist

Paylaş:
Whatsapp
Bizə yazın!
Keçid et
Digər xəbərlər

Gündəm / Cəmiyyət

2-10-2026, 16:11

YAP-ın VIII Qurultayı keçirilib, İlham Əliyev çıxış edib - YENİLƏNİB

Siyasət

18-06-2026, 19:05

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib - YENİLƏNİB

Gündəm / Cəmiyyət

24-12-2025, 19:14

Prezident Ağdamda 2-ci yaşayış kompleksinin açılışında iştirak edib, sakinlərlə görüşüb - YENİLƏNİB

Gündəm / Siyasət

20-07-2025, 10:00

İlham Əliyevin III Şuşa Qlobal Media Forumunun iştirakçıları ilə görüşü olub - YENİLƏNİB

Gündəm / Siyasət

21-07-2024, 10:30

Prezidentin media nümayəndələrinin suallarına cavabları - TAM MƏTN

Araşdırma
62 ölkədən olan diplomatlar "Laçın Aqro-Sənaye Parkı"nda olublar
Laricani: İran ABŞ-dən fərqli olaraq uzunmüddətli müharibəyə hazırdır
Zelenski Trampa Ukraynaya 30-50 illik təhlükəsizlik zəmanətləri verməyi təklif edib
AYNA: Taksi fəaliyyəti üzrə kvotanın tətbiqi xidmət keyfiyyətini artıracaq
Hərbi
29-03-2026, 10:48
Azərbaycanda ötən gün dələduzluğa görə axtarışda olan üç nəfər saxlanılıb
8-04-2024, 20:47
İrəvan təxribatdan əl çəkməsə, Ordumuz hərəkətə keçəcək
31-03-2024, 11:02
Ermənistan sərhədə qoşun yığır - MN
31-03-2024, 08:57
Müdafiə naziri göstəriş verdi
Son xəbərlər
  • Bu gün, 18:52
    "Reuters": 38 ölkə Ukraynada nüvə qəzası riskinin artdığı barədə xəbərdarlıq edib
  • Bu gün, 18:22
    Azərbaycan və Böyük Britaniya regional təhlükəsizlik məsələlərini müzakirə edib
  • Bu gün, 17:34
    Ukraynada müharibənin atəşkəsdən başlayan həlli – torpaq güzəşti, NATO-ya üzvlük avantürası
  • Bu gün, 16:57
    Azərbaycanda bəzi ərazilərdə sabah güclü külək əsəcək - Xəbərdarlıq
  • Bu gün, 16:08
    Deputat rus dilində təhsilin dövlət büdcəsindən maliyyələşdirilməsinin dayandırılmasını təklif edib
  • Bu gün, 16:06
    Nəticəsiz danışıqlar, baş tutmayan sövdələşmələr müharibə riskini artırır
  • Bu gün, 15:34
    Bakıda obyektdə yanğın baş verib
  • Bu gün, 14:34
    Kreml: Krım körpüsünə dəyən ziyan qiymətləndirilir
  • Bu gün, 14:05
    Növbəti "Yüksəliş" müsabiqəsi üçün bir milyon manat ayrılır - Sərəncam
  • Bu gün, 13:28
    Sabah hava yağmursuz olacaq
  • Bu gün, 13:03
    Prezident hüquqi şəxslərin elektron satınalma müqavilələrini təsdiq edib
  • Bu gün, 11:49
    2027-ci il büdcəsi müzakirəyə çıxarıldı – Gəlirlər və xərclər
  • Bu gün, 11:04
    Ombudsman Ağstafadakı partlayışa görə çağırış etdi
  • Bu gün, 10:25
    Şahdağa 20 sm, Qrızda 14 sm qar yağıb
  • Bu gün, 09:36
    FT: ABŞ, Çin və Rusiya liderlərinin görüşü razılaşdırılmış gündəlik olmadan keçəcək
  • Bu gün, 09:15
    Dövlət sərhədini pozmağa cəhd edən "paratrike" uçuş aparatı zərərsizləşdirilib
  • Dünən, 18:23
    Yaradanın Qüdrəti
  • Dünən, 15:00
    HƏMAS-ın "Rəfah" briqadasının komandiri öldürülüb
  • Dünən, 14:30
    Azərbaycan paytaxtı Şərqi Qüds olan müstəqil Fələstin Dövlətinin yaradılmasını dəstəkləyir
  • Dünən, 14:00
    Rəsmi Tehran: İran mövqeyindən yaxşı xəbərdar olan Rusiya və Çinlə sıx əlaqə saxlayır
  • Dünən, 13:30
    Prezident İlham Əliyev Mahmud Abbası təbrik edib
  • Dünən, 13:00
    Sabah Azərbaycanda intensiv yağış yağacaq, güclü külək əsəcək
  • Dünən, 12:00
    Azərbaycan XİN Fələstini təbrik edib
  • Dünən, 11:00
    Elnur Məmmədov ECO Nazirlər Şurasının iclasında iştirak etmək üçün İslamabada səfər edib
  • Dünən, 10:30
    UEFA Millətlər Liqası: Portuqaliya öz meydanında Danimarkaya böyük hesabla uduzub
  • 14-11-2026, 16:01
    Ramanada avtomobildən 6 min manat oğurlamaqda şübhəli bilinən şəxs saxlanılıb
  • 14-11-2026, 15:40
    Kamran Əliyev argentinalı həmkarı ilə əməkdaşlığı müzakirə edib
  • 14-11-2026, 14:58
    Sumqayıtda beş avtomobil toqquşub, xəsarət alanlar var
  • 14-11-2026, 14:26
    Allahşükür Paşazadə Maskat Fəaliyyət Planı Forumunda iştirak edəcək
  • 14-11-2026, 13:02
    Sabah Bakıda yağış yağacaq
  • 14-11-2026, 12:23
    Hərbi vəzifəlilərlə növbəti təlim toplanışı keçirilib
  • 14-11-2026, 11:36
    Gənc əsgərlərlə görüşə müvəqqəti məhdudiyyət qoyulub - Rəsmi
  • 14-11-2026, 10:43
    Azərbaycan Basketbol Liqası: Bu gün "Sabah" və "Neftçi" komandaları üz-üzə gələcək
  • 14-11-2026, 09:55
    Füzulidə avtoqəza olub, 3 nəfər ölüb, 4-ü xəsarət alıb
  • 14-11-2026, 09:11
    SEPAH: Hörmüz boğazında daha bir neft tankeri minaya düşüb
Daha çox
  • Ana səhifə
  • Haqqımızda
  • Redaksiya siyasəti
  • Reklam
  • Əlaqə
Sosial şəbəkələrimiz:
  • Təsisçi və Baş redaktor: Mövsümağa Abasov
  • Tel: (+99455) 297 52 52
  • E-mail: 44gunsavash.az@gmail.com
  • Gündəm
  • Siyasət
  • İqtisadiyyat
  • Cəmiyyət
  • Hadisə
  • Qarabağ
  • Bölgə
  • Hərbi
  • Müsahibə
  • Araşdırma
  • Dünya
  • İdman
Müəllif hüquqları qorunur! 44Gunsavash.az-ın məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
  • Ana səhifə
  • Haqqımızda
  • Reklam
  • Əlaqə