“Media haqqında” və “Reklam haqqında” qanunlarda dəyişikliklər edilməsi barədə qanun layihələrinin ilkin variantı hazırlanıb.

Bu barədə Audiovizual Şuranın 2024-cü il üzrə ümumi hesabatında qeyd olunub.

Hesabatda bildirilib ki, ilkin variant bir neçə dəfə müzakirə olunub.

Məlumata görə, layihələrin son versiyaları hazırlandıqdan sonra müvafiq dövlət qurumları ilə razılaşdırma proseduru həyata keçiriləcək.

Bundan başqa "İctimai televiziya və radio yayımı haqqında" Azərbaycan Respublikasının Qanununda dəyişikliklər edilməsi barədə Qanun layihəsi və "İctimai televiziya və radio yayımı haqqında" Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 5 noyabr tarixli 141 nömrəli Fərmanında dəyişikliklər edilməsi haqqında Azərbaycan respublikası Prezidentinin Fərmanı layihəsi hazırlanıb. Həmin layihələr rəsmi qaydada "İctimai Televiziya və Radio Yayımları Şirkəti"nə göndərilib və razılaşdırılıb.