ABŞ və İsrail İranın İsfahan şəhərində istehsalat sexi və atçılıq klubuna zərbələr endirib.

Bu barədə İsfahan vilayət rəhbərinin təhlükəsizlik üzrə müavini məlumat yayıb.

O bildirib ki, zərbə nəticəsində 11 nəfər həlak olub, bir neçə nəfər isə yaralanıb.

Rəsminin sözlərinə görə, yeni zərbə dalğasında İranın səkkiz şəhərinə hücum təşkil edilib.

Xatırladaq ki, fevralın 28-də ABŞ və İsrail hava zərbələri ilə İrana qarşı hərbi əməliyyata başlayıb. Hücum nəticəsində İranın ali rəhbəri Əli Xamenei həmin gün səhər öldürülüb, lakin İranda bu məlumat yalnız martın 1-də təsdiqlənib. İslam İnqilabı Keşikçiləri Korpusu (SEPAH) İsraildəki obyektlərə hücum edərək genişmiqyaslı cavab əməliyyatı barədə bəyanat verib. Həmçinin ABŞ-nin Bəhreyn, İordaniya, Qətər, Küveyt, BƏƏ və Səudiyyə Ərəbistanındakı bazaları zərbələrə məruz qalıb.