Bakıda 2025-ci il martın 13-15-də keçiriləcək Qlobal Bakı Forumunda 400-dən çox insan iştirak edəcək.

Bunu Nizami Gəncəvi Beynəlxalq Mərkəzinin həmsədri İsmail Serageldin bu gün keçirilən mətbuat konfransında bildirib.

O qeyd edib ki, forumda 50-dən çox ölkədən fəaliyyətdə olan və sabiq dövlət, eləcə də hökumət başçıları, həmçinin alimlər və ekspertlər iştirak edəcəklər.

"Qarşıdakı üç gün müzakirələr auditoriyadan təcrübə, fikirlər və ideyalar əldə etmək üçün açıq və səmimi olacaq. Bu il müstəsnadır, çünki beynəlxalq münasibətlər ciddi dəyişikliklərə məruz qalıb. Son bir neçə ay ərzində ABŞ Prezidenti tərəfindən qəbul edilmiş bir sıra qərarlar onlara təsir edib", - İ.Serageldin bildirib.