Əfqanıstan və Özbəkistan 2,5 milyard dollar dəyərində 35 anlaşma memorandumu imzalayıblar.

Bu barədə "Kun.uz" məlumat yayıb.

Sənədlərin imzalanması Əfqanıstanın Müvəqqəti Hökumətinin iqtisadi məsələlər üzrə baş nazirinin müavini vəzifəsini icra edən Əbdül Qani Baradar və Özbəkistanın Baş naziri Abdulla Aripovun, habelə hökumət rəsmilərinin və özəl sektorun nümayəndələrinin iştirakı ilə həyata keçirilib.

Bunlardan 12 anlaşma memorandumu 1,4 milyard dollarlıq investisiya sazişi, 23-ü isə 1,1 milyard dollarlıq ticarət sazişi olub.

Qeyd edək ki, Əfqanıstanda 2021-ci ildə hakimiyyət Taliban qruplaşması tərəfindən ələ keçirilib.