Ukrayna prezidenti Volodimir Zelenski dekabrın 7-də Parisə gedib.

Bu barədə Ukrayna KİV məlumat yayıb.

Zelenskinin Fransada ABŞ-nin yeni seçilən prezidenti Donald Trampla görüşə biləcəyi deyilir.

Ukrayna liderinin təyyarəsi günorta saatlarında Parisə eniş edib. Onu Fransa prezidenti Emmanuel Makron qəbul edəcək.

Fransanın paytaxtına səfərə səbəb yanğından sonra Notr-Dam de Paris kilsəsinin açılış mərasimi olub. 40-a yaxın ölkənin dövlət və hökumət başçısı tədbirdə iştirak edəcək.